Nëpërmjet patentimit të ri që u aprovua këtë javë me titullin “Electronic Devices with Touch Input Components and Haptic Output Components”, bëhet e ditur se Apple po punon për të sjellë në treg një smartphone pa butona fizik, të cilët do të zëvëndësohen nga kontrollimi nëpërmjet prekjes.
Në dokumente tregohet se Apple do të shoqërojë prekjen në këto zona me një vibrim për të konfirmuar prekjen e “butonave”. Patentimet konfirmojnë raportimet e tetorit të kaluar nga Ming-Chi Kuo, i cili tregoi se iPhone 15 Pro nuk do të ketë butona fizikë. Megjithatë, së bashku me butonat virtualë të volumit dhe ndezjes së ekranit, gjendet dhe një tjetër buton në zonën e poshtme të ekranit. Mundet që Apple ta shfrytëzojë këtë hapësirë për të rikthyer Touch ID në pajisjet e saj.
Një tjetër patentim me titullin “Electronic Devices with Display and Touch Sensor Structures”, shpjegohet se si pajisja e palosshme nga Apple pritet të funksionojë.
“Një pajisje elektronike e palosshme mund të ketë një mur transparent fleksibël që bashkohet me anësitë transparente.” Duket sikur po përshkruhet mekanizmi i cili do të bashkojë dy gjysmat e ekranit të palosshëm.
Në patentim tregohet dhe implementimi i sensorit të prekjes në pjesën e jashtme të smartphone-ve, gjë që tregon se smartphone-i i parë i palosshëm nga Apple mund të ketë një ekran të jashtëm, në mënyrë të ngjashme me Galaxy Z Fold.
