Epic Games zbuloi përmes një postimi në Twitter ditën e enjte në mëngjes se në Fortnite do të vijnë së shpejti personazhet e Dragon Ball. Në këtë lajmërim shfaqet dragoi Shenron, i cili plotëson dëshirat pasi të grumbullohen 7 sferat e dragoit, ndërkohë që qëndron mbi Pemën e Realitetit.
Këto skins do të vijnë në datën 16 gusht, dhe pse ne nuk e dimë saktësisht se cilët do të jenë personazhet që do të përfshihen.
Speak. Name your wish…8.16.2022 pic.twitter.com/IloBVI07AY
— Fortnite (@FortniteGame) August 11, 2022
Shenron është një ndër karakteret më prezentë në Dragon Ball, pasi shfaqet në sezone të ndryshme si Dragon Ball, Dragon Ball Z, Dragon Ball Super, dhe Dragon Ball GT. Sigurisht që ne mund të bëjmë disa hamendësime lidhur me personazhet kryesor që pritet të vijnë në Fortnite. Goku do të jetë me shumë mundësi i përfshirë në këtë kombinim, së bashku me Vegeta.
Dhe meqë eventi është shumë pranë ditës së lançimit të Dragon Ball: Super Hero, filmit më të ri Dragon Ball, mendohet që Gohan dhe Piccolo të jenë gjithashtu të përfshirë si skins në lojë.
Epic nuk ka prezantuar shumë nga dryshimet që do të vijnë, por besohet se lojtarët do të kenë mundësinë të grumbullojnë armë të bazuara në Dragon Ball, apo të ngjallin Shenron në lojë, megjithatë na mbetet të presim.
