Versionet e ndryshme të lojës mjaft të njohur të prodhuar nga Activision, Call of Duty, kanë qenë disi dominuese në listën e lojrave më të shitura që nga viti 2009.
Sipas një postimi të shpërndarë nga firma kërkimore e industrisë së lojrave Circana në platformën e mediave sociale X, tregohet se loja më e re Call of Duty: Modern Warfare III është loja e 2-të më e shitur për vitin 2023. Gjatë gjithë këtyre viteve të fundit një gjë e tillë ka ndodhur vetëm 2 herë – në vitet 2013 dhe 2018 në të cilat u publikuan respektivisht Grand Theft Auto V dhe Red Dead Redemption 2.
Renditja e re tregon se Hogwarts Legacy kryeson listën e lojrave më të shitura në 2023. Pavarësisht se krijoi polemika pas mbështetjes së JK Rowling, loja shiti rreth 22 milionë kopje vitin e kaluar. Fansat e Harry Potter kanë pritur prej kohësh për një lojë me cilësi të lartë, historia e së cilës zhvillohet në shkollën e magjistarëve. Hogwarts Legacy gjithashtu përmbushi premtimin për të ofruar një përvojë të vërtetë të botës së hapur të Harry Potter.
The Legend of Zelda: Tears of the Kingdom ishte loja e 5-të më e mirë e vitit 2023, sipas kësaj liste. Me shumë mundësi kjo lojë do të renditej shumë më lart në listë nëse Nintendo do të publikonte shifrat e sakta të shitjeve, pasi të regjistruara janë shitjet deri në shtator të 2023. Kjo do të thotë se të dhënat e shitjeve prej rreth katër muajsh mungojnë në listë.
Këto të dhëna do të jenë të disponueshme vetëm kur kompania të publikojë informacionet e fitimeve gjatë tremujorit në fund të këtij muaji. Sidoqoftë, Tears of the Kingdom mund të arrijë në krye të renditjes kur këto të dhëna të publikohen, raporton Kotaku. Kjo lojë shiti 19.5 milionë kopje deri në shtator 2023 dhe është vetëm 2.5 milionë shitje larg nga Hogwarts Legacy.
Tituj të tjerë shumë të shitur përfshinin Madden NFL 24 në vendin e 3-të dhe Marvel’s Spider-Man 2 në vendin e 4-t.
