Microsoft ka treguar përmes disa deklaratave tepër “shpërthyese” se Sony paguan për të “bllokuar të drejtat”, duke detyruar zhvilluesit e lojrave që të shtojnë përmbajtjet e tyre në Xbox Game Pass.
“Aftësia e Microsoft për t’u rritur vazhdimisht katalogun e Game Pass është penguar nga dëshira e Sony për të parandaluar një rritje të tillë.” pretendon Microsoft sipas një deklarate në datën 9 gusht të dorëzuar në Këshillin Administrativ të Mbrojtjes Ekonomike (KAME) braziliane. “Sony paguan për të bllokuar të drejtat, duke penguar zhvilluesit që të shtojnë produktet e tyre në Game Pass dhe shërbime të tjera konkuruese.”
Sony mundet që thjesht të ketë paguar për të drejtat e ekskluzivitetit për platformën e saj, ose të ketë disa kontrata që parandalojnë disa lojra që ajo publikon të shfaqen në kategori të tjera abonimi.
Nuk është ende e qartë se kujt po i referohet Microsoft përmes kësaj deklarate, mirëpo kontratat për publikimin e lojrave mund të jenë komplekse, sidomos kur përfshihen të drejtat e transmetimit dhe shërbimet e abonimit. Microsoft po përpiqet të bindë rregullatorin brazilian se ai duhet të lejojë blerjen e propozuar të Activision Blizzard për $68.7 miliardë.
Rregullatori Brazilian morri në pyetje Sony dhe rivalë të tjerë të Xbox mbi blerjen e Activision Blizzard nga Microsoft. Përgjigja e Sony ishte se “do të ishte e vështirë që zhvilluesit të krijonin një firmë që rivalizon Call of Duty të Activision Blizzard pasi ajo qëndron në një kategori më vete.”
