Eventi mjaft i ndjekur PlayStation Showcase përgatiti të gjithë fansat me informacionet më të reja nga bota e video-lojrave, duke përfshirë këtu dhe prezantimin e një hardware-i të ri. Ne ju ftojmë të na ndiqni më poshtë për të mësuar 6 prezantimet kryesore të bëra nga kompania gjatë këtij eventi.
Sony Project Q
Të gjitha raportimet të tregonin se Sony po përgatitej të prezantonte një konsolë të ngjashme me Nintendo Switch duket se kanë qenë të vërteta, pasi kompania konfirmoi ekzistencën e konsolës me emrin Project Q. Kjo pajisje vjen me një ekran 8” dhe duket si një Switch por që përdor një controller të PS5. Për më tepër informacione klikoni këtu.
Spider-Man 2
Në fund të këtij eventi u shfaq një trailer që tregon gameplay-n e lojës më të re Spider-Man 2, e cila do të prezantohet zyrtarisht gjatë vjeshtës së këtij viti.
Një rikrijim i Metal Gear
Viti i rikrijimeve do të vazhdojë me versionin më të ri të Metal Gear 3: Snake Eater. Ky është një projekt i shumëpërfolur gjatë kohëve të fundit, dhe më në fund Konami i konfirmoi të gjithë raportimet mbi zhvillimin e kësaj loje. Loja do të vijë në PS5, Xbox dhe PC.
Bungie rikthehet në Marathon
Zhvilluesi mjaft i njohur i Destiny dhe Halo duket se do të rikthehet në themelet e saja duke krijuar lojën first person shooter fantashkencor Marathon. Kjo lojë nuk do të jetë ekskluzive për PS5, por pritet të vijë dhe në Xbox dhe PC.
Data e publikimit të versionit të ri të Assassin’s Creed
Assassin’s Creed Mirage, e cila premton një rikthim të aksionit tepër të ngjashëm me lojrat e hershme do të lançohet në datën 12 tetor. Megjithatë mos u shqetësoni, sepse ka dhe shumë lojra të tjera AC që janë në zhvillim e sipër.
Realiteti virtual do të gjendet kudo
Një pjesë e konsiderueshme e eventit iu fokusua lojrave të reja për PSVR 2, duke përfshirë këtu dhe një modalitet VR për Resident Evil 4 të këtij viti, Crossfire: Sierra Squad dhe Synapse.
