Një raport i ri pretendon se Nintendo Switch 2 pritet të vijë më vonë gjatë këtij vit dhe do të fuqizohet nga një çip Nvidia të bërë me porosi.
Sipas Reuters, Nvidia po ndërton një njësi biznesi krejtësisht të re për t’u fokusuar në dizenjimin e çipave të personalizuara për firmat e hardware-it dhe ka krijuar tashmë një dizajn të personalizuar për versionin e ardhshëm të konsolës nga Nintendo. Një burim tregoi për Reuters se “Konsola aktuale Switch e Nintendo tashmë fuqizohet nga çipi Tegra X1 i Nvidia. Një version i ri i konsolës Switch që pritet të vijë këtë vit ka të ngjarë të përfshijë një dizajn me porosi Nvidia“.
Kur zëdhënësit e Nintendo u pyetën në lidhje me me këtë çështje, ato nuk pranuan të komentonin. Ky raportim bën gjithashtu dhe më të besueshëm zërat se Nvidia ka qenë në diskutime gjatë kohëve të fundit për të firmosur një kontratë me Microsoft për çipat që do të fuqizojnë gjeneratën e ardhshme të Xbox.
Muajin e kaluar, prodhuesi i Apex Legends, EA tha se nuk mund të konfirmojë ekzistencën e Switch 2, por tregoi se “platformat e reja janë të mira për ta“, pas një raporti që Switch 2 do të vijë me një ekran LCD më të madh se tetë inç. Në fillim të kësaj jave presidenti i Nintendo, Shuntaro Furukawa, tha se kompania do të parashtrojë planin e saj për vitin e ardhshëm financiar në konferencën e ardhshme të fitimeve, që pritet diku gjatë muajit maj.
