“Jokeri nga Florida” tani ka zbuluar se ka tërhequr padinë kundër Rockstar Games për ngjashmërinë e tij me një personazh të Grand Theft Auto 6, por ai ka pohuar se dëshiron që të paktën të jetë zëri i këtij personazhi.
Që kur një version i parodizuar i tij u shfaq në trailerin e GTA 6 më 4 dhjetor 2023, Joker nga Florida ka sulmuar vazhdimisht Rockstar dhe Take-Two Interactive. Ai filloi me kërcënime ndaj kompanisë, kërkimin e $10 milion si dëmshpërblim madje edhe kërcënoi se do të bënte të mundur arratisjen e hakerit me origjinë shqiptare që qëndron pas materialeve të bëra leak. Tani, sensacioni viral, emri i vërtetë i të cilit është Lawrence Sullivan, më në fund ka zbuluar se ka tërhequr padinë ndaj zhvilluesit të GTA 6. Në vend të kësaj, ai ka kërkuar të jetë zëri i karakterit dhe të promovojë lojën, si dhe të marrë të paktën $50 mijë.
Jokeri nga Florida njoftoi: “GTA, Rockstar, Take-Two, duhet të flasim, unë nuk po ju padis më të gjithëve, por ju ende nuk jeni në rregull. Kanë kaluar dy muaj të tërë. Ende nuk më keni kontaktuar. Le të bëjmë atë që është e drejtë, më ofroni pesëdhjetë mijë, njëqind mijë dollarë, dhe më lejoni të jem zëri i personazhit tim,” kërkoi më tej ai. Sullivan gjithashtu deklaroi se ai donte të “promovonte lojën“.
Ai e mbylli videon duke thënë: “Unë po e bëj lojën më të rëndësishme, njerëzit duan ta luajnë atë, unë jam arsyeja pse ajo lojë është kaq e zhurmshme tani.”
