Shumë nga shtëpitë e reja që do të ndëtohen në qytetin e Tokios do ta kenë të detyrueshme instalimin e paneleve diellore duke nisur nga muaji prill i 2025. Asambleja vendore sapo ka miratuar rregulloret e reja të cilat do të kërkojnë nga kompanitë e mëdha të ndërtimit të pajisin shtëpitë më të vogla se 2,000 metra katror me panele diellore ose burime të tjera energjie të rinovueshme.
Kjo është masa e parë në llojin e saj e ndërmarrë në Japoni dhe ka si qëllim të përgjysmojë emëtimet e karbonit në qytet. Qeveria parashikon se shifra prej $7,200 për instalimin e një paneli diellor 4kW mund të rekuperohet brenda 6 viteve duke u bazuar në skemën e kursimeve si dhe grantit prej $728 për kW.
Masa do të aplikohet vetëm në 50 kompanitë e ndërtimit të cilat asistojnë në krijimin e hapësirave mbi 20,000 metra katror në treg, prandaj ende nuk është bërë e qartë se sa do të jetë numri i shtëpive të reja që do të përfitojnë nga rregullorja e re. Në të ardhmen pritet që kjo masë të ketë një efekt mjaft të rëndësishëm, pasi më tepër se gjysma e ndërtesave ekzistuese do të zëvëndësohen me ndërtesa të reja deri në 2050.
Japonia renditet në vendin e 5-të në mbarë botën për prodhimin e dioksidit të karbonit, por ka premtuar se do të ulë shumë sasinë e emëtimeve deri në vitin 2050.
