Çfarë është Facebook pa lajme? Përdoruesit e Facebook në Australi nuk po arrijnë të shpërndajnë lajme në rrjetin social pasi ky i fundit bllokoi shpërndarjen e tyre pas problemeve me qeverinë e këtij vendi.
Kjo kompani të mërkurën shpjegoi vendimin drastik për bllokimin e shpërndarjes së lajmeve në rrjetin social pasi qeveria australiane sugjeroi një ligj që do të forconte platformat të paguanin publikuesit e lajmeve për shkrimet e tyre. Campbell Brown, Zëvëndës Presidenti i Facebook në Partneritetin e Lajmeve Globale u shpreh se “Ligji i propozuar në Australi nuk arrin të dallojë natyrën e marrëdhënies mes platformës sonë dhe publikuesve. Ndryshe nga sugjerimet e disa personave, Facebook nuk vjedh lajme. Publikuesit vendosin t’i shpërndajnë historitë e tyre në Facebook.”. Brown shtoi se shpreson që në të ardhmen njerëzit në Australi të mund të shpërndajnë lajme sërish në platformë.
Ky lajm është pritur me konfuzion, pasi shërbime si emergjenca, fondacione bamirësie të dhunës në familje dhe agjensitë shtetërore të shëndetit thanë se ato janë të ndikuar nga kufizimet.
“Këto aksione vetëm do të konfirmojnë shqetësimet që një numër i madh vendesh po shprehin rreth sjelljes së kompanive të mëdha teknologjike të cilat mendojnë se janë më të mëdha se shtetet dhe që rregullat nuk duhet të aplikohen për ata.” shkruajti kryeministri i Australisë Scott Morrison në një postim në faqen e tij në Facebook, i cili nuk u bllokua nga kufizimet e rrjetit social.
Facebook thotë se me zhvillimet e reja të rregullave në Australi po planifikon ti sjellë shërbimet e lajmeve në një vend tjetër. Nga ana tjetër gjidandi i teknologjise, Google, ka filluar planet për liçensimin e lajmeve. Ajo refuzoi të shpërndante kushtet e marrëveshjes me News Corp, por News Corp shpjegoi se do të përfitojë pagesa domethënëse.
