Qeveria e Mbretërisë së Bashkuar ka lajmëruar se Virgin Atlantic do të kryejë një fluturim historik me zero emëtime nga Londra në New York në vitin 2023.
Virgin Atlantic fitoi një kompeticion të organizuar nga qeveria, duke siguruar kështu fondet për kyerjen e fluturimit të parë transatlantik pa emëtime. Kjo gjë u bë e ditur përmes një deklarate zyrtare ditën e premte.
“Prej dekadash, fluturimi nga Londra në New York ka simbolizuar aftësinë e aviacionit për të ndërlidhur njerëzit dhe për të ndihmuar progresin ndërkombëtar. Tashmë ky fluturim do të jetë në ballë të sfidës për uljen e emëtime nga fluturimet.” tha sekretari i transportit, Mark Harper.
“Ky fluturim jo vetëm që do t’i hapë rrugën gjeneratave të tjera në të ardhmen, por do të demonstrojë se sa larg mund të arrijmë kur punojmë për një qëllim të përbashkët – duke sjellë së bashku bizneset më të mira dhe akademikët më të mirë në botë nën drejtimin e një linje ajrore britanike.”
Motorat Rolls Royce Trent 1000 do të fuqizojnë avionët më të mirë Boeing 787 ndërkohë që ato fluturojnë nga Londra në New York.
Megjithatë, ky nuk do të jetë një fluturim tipik komercial, por do të jetë fluturimi i parë në historinë e fluturimeve komerciale që përdor vetëm karburantin SAF (Sustainable Aviation Fuel), që përbëhet në pjesën më të madhe nga vaji i përdorur i gatimit. SAF mund të ndihmojë në uljen e emëtimeve deri në 70%.
