Një superhënë e rrallë do të ndriçojë qiellin gjatë këtij muaji, duke u shfaqur më e madhe dhe më e ndritshme se çdo hënë e parë këtë vit. Hëna e plotë e gushtit, e quajtur dhe Hëna Sturgeon, do të ndriçojë qiellin e natës më 19 gusht, kur shkëlqen rreth 30% më shumë se një mbrëmje e zakonshme.
Megjithatë edhe në qoftë se nuk arrini ta shikoni një pamje të tillë mos u mërzisni, sepse do të ketë gjithashtu një seri hënash gjigante të njëpasnjëshme gjatë muajve të ardhshëm.
Superhënat duken më të mëdha dhe më të shndritshme kur janë më afër horizontit, kështu që koha më e mirë për ta parë do të jetë menjëherë pas lindjes së hënës ose pak para perëndimit të hënës. Kjo sepse kur është afër horizontit, ka objekte si pemët dhe ndërtesat për të krahasuar madhësinë e hënës. Në këtë mënyrë krijon një iluzion optik që e bën hënën të duket më e madhe se kur është lart në qiell pa objekte afër për ta krahasuar.
Kërkoni një vendndodhje me një pamje të qartë të horizontit, si një plazh, kodër ose fushë. Nëse jetoni në qytet, mund të dëshironi të dilni në kërkim të qiejve më të errët, pasi ndotja nga drita mund të zbehë shkëlqimin e hënës. Për të parë detajet e hënës nga afër – si krateret – sigurohuni që të merrni me vete disa dylbi dhe një teleskop.
Por nëse humbisni superhënën e këtij muaji, mos u shqetësoni. Ju do të keni tre shanse të tjera për të parë një në muajt në vijim. Pas këtij muaji, superhënat e ardhshme të vitit 2024 do të ndodhin më 18 shtator, 17 tetor dhe 15 nëntor. Superhënat ndodhin tre deri në katër herë çdo vit dhe ndodhin gjithmonë në muaj të njëpasnjëshëm.
Distanca midis Tokës dhe Hënës luhatet sepse Hëna ka një orbitë eliptike (në formë ovale) rreth planetit tonë. Nëse do të ndiqte një orbitë të përkryer rrethore, madhësia dhe shkëlqimi i hënës së plotë nuk do të dukej se do të ndryshonte kurrë. Superhëna më e afërt e këtij shekulli do të ndodhë më 6 dhjetor 2052.
