Aksionet e Meta u rritën me 5% ditën e hënë pas një raportimi të Wall Street Journal ku tregohej se kompania po përgatitet për të reduktuar ndjeshëm numrin e punonjësve, duke nisur që nga dita e mërkurë.
Kjo me shumë mundësi do të jetë hera e parë që ka një pushim të punonjësve në numër të madh, që pritet të jetë disa mijë. Deri në fundin e muajit shtator kompania tregoi se kishte 87,000 punonjës. Një zëdhënës i Meta nuk dha asnjë koment mbi këtë raportim, por ripërsëriti fjalët e Mark Zuckerberg gjatë muajit të kaluar.
“Në 2023, ne do të fokusojmë investimet tona në një numër të vogël zonash që kanë prioritet më të madh.” tha Zuckerberg gjatë asaj kohe. “Kjo gjë do të thotë që disa ekipe do të zgjerohen në mënyrë të konsiderueshme, mirëpo shumica e ekipeve të tjera do të qëndrojnë në të njejtat shifra ose do të zvogëlohen gjatë vitit të ardhshëm. Në tërësi, ne presim që fundi i vitit 2023 të na gjejë me një numër të njejtë punonjësish, ose shumë pak të zvogëluar.”
Kjo kompania është përballur me një rënie prej 72% të vlerës së aksioneve përgjatë këtij viti, kryesisht për shkak të fokusimit drejt strategjisë së re, ndërtimit të metaverse. Vlera në treg e kompanisë tashmë është në $260 miliardë.