Futbollistët nuk do të jenë personat e vetëm që do të ndiqen me kujdes gjatë Kupës së Botës në Katar. Gjatë gjithë këtij eventi, duke përfshirë këtu dhe fansat pjesëmarrës në stadium, do të monitorohen nga 15,000 kamera të pajisura me teknologji njohje të fytyrës.
Kjo gjë është bërë e ditur nga Niyas Abdulrahiman, drejtuesi i departamentit të teknologjisë së këtij eventi, në një deklaratë për AFP gjatë muajit gusht.
Kjo mbikëqyrje është pjesë e tentativave të Katarit për t’u mbrojtur ndaj sulmeve terroriste gjatë Kupës së Botës, eveniment i cili pritet të tërheqë rreth 1 milionë vizitorë nga mbarë bota. Që nga 2010 kur Katari fitoi të drejtën për të organizuar këtë event, shteti ka shpenzuar më tepër se $300 miliardë për të ndërtuar infrastrukturën e re, duke përfshirë këtu 7 stadiume të reja, për të akomoduar këtë fluks të madh njerëzish.
Rrjeti i mbikëqyrjes do të menaxhohet nga Aspire Command dhe Control center, të cilët survejojnë hapësirën përreth 8 stadiumeve.
Shumë rreshta teknikësh janë ulur përballë monitorëve në një sallë që duket sikur është pjesë e NASA. Qendra e kontrollit do të shikojë të gjitha zonat përreth metrove, trenëve dhe autobusëve. Ekspertët nga Qatar University kanë zhvilluar gjithashtu dronë që do të parashikojnë numrin e përgjithshëm të njerëzve në rrugë.
