Shumë ndryshime kanë ndodhur gjatë 3 muajve në renditjen e pasaportave më të fuqishme në botë, pasi gjashtë shtete ndajnë vendin e parë në listën për vitin 2024. Qytetarët e Francës, Gjermanisë, Italisë, Japonisë, Singaporit dhe Spanjës mund të gëzojnë akses pa viza ose viza në momentin e mbërritjes në një numër të pabesueshëm prej 194 destinacionesh në mbarë botën.
Henley & Partners ishin ata që krijuan Henley Passport Index, e cila nisi aktivitetin e saj para 19 vitesh, duke përdorur të dhëna ekskluzive nga Shoqata Ndërkombëtare e Transportit Ajror (IATA). Kombet aziatike të Japonisë dhe Singaporit kanë dominuar vendin nr.1 për pesë vitet e fundit, por top pesëshja e re është një ngritje triumfuese për Evropën.
Finlanda dhe Suedia ndajnë vendin e dytë me Korenë e Jugut– me akses të lehtë në 193 destinacione – ndërsa Austria, Danimarka, Irlanda dhe Holanda janë të tretat (me 192 destinacione). Belgjika, Luksemburgu, Norvegjia, Portugalia dhe Britania e Madhe janë në vendin e katërt, ndërsa Greqia, Malta dhe Zvicra janë në vendin e pestë.
Australia dhe Zelanda e Re kanë përmirësuar renditjen e tyre dhe tani janë në vendin e 6-të së bashku me Çekinë dhe Poloninë. Shtetet e Bashkuara dhe Kanadaja, ndërkohë, ndajnë së bashku në vendin e shtatë, ku bashkohet dhe Hungaria, me akses pa viza në 188 destinacione.
Po pasaportat e Shqipërisë dhe Kosovës?
Sipas Henley Passport Index, pasaporta shqiptare renditet në vendin e 48, me qytetarët që mund të lëvizin lirshëm drejt 123 destinacione, ndërkohë që ajo kosovare renditet në vendin e 68 duke i mundësuar lëvizje të lirë qytetarëve drejt 74 destinacioneve.
