Elon Musk ka paditur krijuesin e ChatGPT, OpenAI dhe shefin e tij ekzekutiv Sam Altman, me pretendimet se ata kanë braktisur misionin fillestar të kompanisë për të zhvilluar inteligjencën artificiale për të mirën e njerëzimit dhe jo për përfitim.
Padia e bërë publike ditën e enjte bën të ditur se Altman dhe bashkëthemeluesi i OpenAI, Greg Brockman fillimisht kërkuan mbështetjen e Musk në krijimin e një kompanie open source jofitimprurëse. Avokatët e Musk shtojnë se fokusi i ri i kompanisë është që të fitojnë sa më tepër para, duke shkelur kontratën fillestare. Një tjetër argument i përdorur është dhe mbajtja sekrete e zhvillimit të modelit GPT-4, modelit më të avancuar AI të krijuar nga kjo kompani.
“Në të vërtetë, OpenAI është shndërruar në një degë closed-source de facto të kompanisë më të madhe të teknologjisë në botë: Microsoft. Nën Bordin e saj të ri, ajo jo vetëm që po zhvillon, por në fakt po përpunon një AGI për të maksimizuar fitimet për Microsoft-in, në vend që të mendojë për të mirën e njerëzimit,” shton padia.
Musk ishte bashkëthemelues i OpenAI në 2015, por u largua nga bordi i saj në 2018. Me shumë mundësi pasi nuk kishte kohë të mjaftueshme për të drejtuar njëkohësisht, Tesla, SpaceX, Boring Company apo Twitter, të cilin e bleu për $44 miliardë në vitin 2022.
Vitin e kaluar, sipërmarrësi Altman u shkarkua nga ish-bordi i OpenAI, i cili tha se po përpiqej të mbronte misionin e kompanisë për të zhvilluar AI nga e clia njerëzimi përfiton. Disa ditë më vonë, Altman u kthye në kompani. OpenAI po planifikon të emërojë disa anëtarë të rinj të bordit në mars.
