Tashmë ju do të keni mundësinë të shikoni nga afër madje dhe të testoni në çdo moment të ditës modelin tërësisht elektrik EX30 nga Volvo në showroom-in e Volvo Cars Albania në Mektrin Motors.
Volvo EX30 është dizenjuar për të patur një emëtim sa më të vogël të CO2, më të voglin në një makinë të prodhuar nga Volvo deri më tani, duke i bërë jetët e njerëzve më të sigurta, më të përshtatshme dhe më argëtuese përmes teknologjisë më të fundit dhe dizajnit skandinav.
Dhe çmimi i kësaj makine është mjaft tërheqës, i cili nis nga €36,300, dhe i ofron klientëve një makinë premium tërësisht elektrike me një çmim të ngjashëm me makinat që fuqizohen nga motorët me djegie të brendshme.
Për cilësinë e kësaj makine flasin dhe çmimet e shumëta të fituara në konkurse të ndryshme, ndër të cilat mund të përmendim: 3x Car of the Year (The Sun, Carwow, Electrifying), Eco Warrior of the Year (Top Gear), Best Family Car (Woman’s World Car of the Year), Small SUV/Crossover of the Year (News UK), City Car of the Year (Frontline Magazine), Best Technological Car (Xataka Awards), Best Electric Car (Autopistas) dhe shumë çmime të tjera rreth të cilave kemi folur në Geek Room.
Të gjitha këto vlerësime janë një dëshmi e përkushtimit të jashtëzakonshëm, inovacionit dhe përsosmërisë që pritet nga Volvo Cars.
Në showroom-in e Volvo Cars Albania në Mektrin Motors do të jenë të pranishme për t’u testuar dy modele të ndryshme: Volvo EX30 Twin Motor Pure Electric Ultra AWD dhe Volvo EX30 Ultimate Single Motor Pure Electric LONG RANGE.
– Volvo EX30 Twin Motor Pure Electric Ultra AWD është një makinë tërësisht elektrike e fuqizuar nga një bateri 69kWh që vjen me një performancë të shkëlqyeshme, pasi arrin deri në 428 kuajfuqi si dhe me sistem me 4 rrota aktive. Kjo makinë arrin shpejtësinë 100km/h nga qetësia në vetëm 3.4 sekonda!
– Volvo EX30 Ultimate Single Motor Pure Electric LONG RANGE është gjithashtu tërësisht elektrike, e fuqizuar nga bateria 69 kWh, ndërkohë që arrin deri në 272 kuajfuqi.
