Jimmy Donaldson, apo siç të gjithë ne e njohim “MrBeast” prezantoi një video të re në YouTube ku tregon se si arriti të ndihmonte 1,000 persona të cilët kishin probleme me dëgjimin që të dëgjonin sërisht. Në këtë video 6 minutëshe, shfaqen shumë persona të ndryshëm të intervistuar nga ai, të cilët rifituan sërisht aftësinë e dëgjimit falë dhurimit të parave nga MrBeast.
Shumë nga këta persona mund të shikohen duke qarë pasi po arrinin të dëgjonin për herë të parë zërin e të afërmve të tyre, një situatë që preku dhe vetë MrBeast.
Megjithatë zemërgjerësia e Donaldson ishte akoma më e madhe se kaq, pasi përveç kësaj procedure, ai arrit të dhuronte dhe $10,000 të tjera, një motoskaf, bileta për një ndeshje baseball si dhe kupon për blerje në një dyqan lojrash.
Më pas ekipi i youtuber-it të famshëm fluturoi drejt Meksikës për të ndihmuar 200 persona të tjerë me probleme me dëgjimin, duke përfshirë këtu dhe Leo Bardo dhe Selmai, të cilët nuk kishin dëgjuar asnjëherë zërin e vajzës së tyre.
Dhe pse kishte plot komente pozitive në këtë video të cilët falenderonin MrBeast për një sjellje kaq të mirë, kishte dhe nga ata persona të cilët e kritikonin atë. “Njerëzit ende nuk e kuptojnë se sa e lodhshme është mbajtja e aparatit të dëgjimit. Njerëzit gjithashtu e keqkuptojnë realitetin pasi këto pajisje nuk e kurojnë shurdhësinë.” tha njëri nga komentuesit.
Një tjetër komentues shtoi: “Wow shumë e çuditshme nga MrBeast që supozon se njerëzit e shurdhët kanë një problem që duhet rregulluar”.
Po ju si e konsideroni veprimin e MrBeast?
