Twitter ka vendosur që të largojë nga platforma të gjitha adresat të cilat nuk kanë qenë aktive prej disa vitesh tha CEO Elon Musk përmes një tweet-i të publikuar ditën e hënë. Ai tha se ky vendim është shumë i rëndësishëm për të lënë të lira username të zëna prej tyre.
Elon Musk e bëri këtë paralajmërim për të gjithë personat, duke i treguar se numri i tyre i followers mund të bie për shkak të këtij vendimi. Përmes një tjetër postimi, ai shtoi se këto adresa do të arkivohen, por nuk shtoi informacione të tjera mbi këtë proçes.
We’re purging accounts that have had no activity at all for several years, so you will probably see follower count drop
— Elon Musk (@elonmusk) May 8, 2023
Elon Musk nuk ka bërë të ditur as se sa do të jetë numri i përdoruesve jo aktivë që do të arkivohen në platformë. Në politikat e Twitter tregohet se përdoruesit duhet të logohen të paktën një herë në 30 ditë për të shmangur një eleminim permanent të adresës së tyre për shkak të inaktivitetit.
Më herët gjatë këtij muaji, Elon Musk “paralajmëroi” se do t’i caktonte një tjetër kompanie fatin e National Public Radio, pasi ky publikues ndaloi postimet në adresën e tij në formë proteste pas raportimeve se ka patur ndërhyrje të qeverisë në editorialin e përmbajtjeve.
