B4Students ka hapur thirrjen për programin Social Clubs 2024, i cili ka për qëllim identifikimin dhe mbështetjen e projekteve dhe iniciativave sociale të ideuara dhe realizuara nga studentët. Ky program synon të përmbushë nevojat mjedisore, edukative, kulturore apo shëndetësore në komunitet.
Synimi i B4Stduents për të ardhmen është të zgjerojë praninë rajonale dhe të luajë një rol të rëndësishëm në fuqizimin dhe integrimin e të rinjve, duke promovuar një bashkëpunim të qëndrueshëm dhe shkëmbim përvojash, përshpejtimin e inovacionit dhe rritjes ekonomike etj.
Studentët që vendosin të marrin pjesë me iniciativat e tyre në këtë mundësi do të kenë përfitime të shumta si:
- Mbështetje financiare për iniciativat e përzgjedhura
- Angazhim në një fushë sociale për të cilën kanë pasion
- Mundësi për të promovuar veten dhe kauzat sociale për të cilat kujdesen
- Kontribut pozitiv në komunitet
- Zgjerim i rrjetit profesional
Më vonë vlerësimi do të bëhet në bazë të kritereve si cilësia e aplikimit, impakti në komunitet dhe mundësia për të aplikuar projektet e prezantuara brenda afateve dhe kostos së planifikuar.
Kush mund të aplikojë?
Thirrja është e hapur për Social Clubs (Klubet Studentore) nga të gjithë universitetet në Shqipëri, të cilat përbëhen nga 2-7 studentë me aktivitet në fushën e artit, edukimit, mjedisit, kulturës, trashëgimisë kulturore, sportit, bamirësisë, mirëqënies, rritjes profesionale.
Është e pamundur të merrni pjesë në B4Students nëse aktiviteti i grupit tuaj është i lidhur me politikën, besimin apo diskriminimin ose në qoftë se grupi i studentëve nuk është i gatshëm të marrë përsipër detyrat që lindin nga sponsorizimi.
Deri kur mund të aplikoj?
Aplikimet do të jenë të hapura nga data 4 Tetor – 1 Nëntor 2024
- Procesi i përzgjedhjes: 4 Nëntor – 11 Nëntor 2024
- Rezultatet përfundimtare: 12 Nëntor – 15 Nëntor 2024
Nxitoni të aplikoni për të përfituar nga të gjitha avantazhet që B4Students ofron!
