Samsung vazhdon të mbetet një prodhues tepër i rëndësishëm i tabletëve Android, duke shitur kështu numrin më të madh të tyre gjatë tremujorit të parë të 2023. Për sa i përket shitjeve totale të tabletëve pa dallim sistemi operativ, Apple është lider i tregut me një distancë të konsiderueshme nga Samsung.
Sipas të dhënave të publikuara nga IDC, Samsung arriti të shiste 7.1 milionë tabletë gjatë 3 mujorit të parë të 2023, një shifër disi në rënie krahasuar me 3 mujorin e parë të 2022. Nga ana tjetër Apple arriti të shiste 10.8 milionë tabletë gjatë kësaj periudhe, një rënie me 10.2% krahasuar me të njejtën periudhë kohore gjatë vitit të kaluar.
Në vendin e trtë për nga shitjet gjendet Huawei, me 2 milionë njësi të shitura dhe Lenovo me 1.9 milionë njësi të shitura. Amazon, dhe pse pa një rënie të porosive me 62%, vazhdon të mbetet në top 5 e kompanive që shesin më tepër tablet me 1.4 milionë pajisje të shitura.
Me lançimin e tabletëve të rinj nga OnePlus, Oppo, Realme dhe Vivo duket se konkurenca brenda tregut të tabletëve është shtuar ndjeshëm, dhe do të shikojmë rezultatet pas disa muajsh.
Pritet që në gusht të këtij viti Samsung të prezantojë linjën e re të tabletëve premium të përbërë nga Galaxy Tab S9, Tab S9 Plus dhe Tab S9 Ultra.
