Pas vonesës disa vjeçare, duket se Cybertruck më në fund është në rrugën e tij drejt klientëve.
Të shtunën herët në mëngjes, Tesla postoi në Twitter një foto të një Cybertruck që u krijua së fundi nga linja e prodhimit të kompanisë Giga Texas në Austin.
“Cybertruck i parë i ndërtuar në Giga Texas!” shkruhet në postimin e Tesla.
Siç thekson kompania, automjeti në fjalë ka të ngjarë të jetë një testim nga ana e Tesla, i cili është krijuar për të identifikuar mënyrën më efikase të prodhimit të automjeteve e reja në shkallë të gjërë.
Në fillim të vitit, Musk parashikoi se prodhimi i Cybertruck do të fillonte në vitin 2024, duke shtuar se prodhimi i kufizuar ka të ngjarë të nisë “dikur këtë verë“. Kohët e fundit, ai u tha investitorëve Tesla do të zhvillonte një event ku do të shpërndante modelet e para të Cybertruck në tremujorin e tretë të 2023 drejt klientëve.
First Cybertruck built at Giga Texas! ? pic.twitter.com/ODRhHVsd0t
— Tesla (@Tesla) July 15, 2023
“Duhet kohë për të nisur punën në linjat e prodhimit dhe ky është me të vërtetë një produkt shumë radikal,” tha Musk në prill. “Kjo makinë nuk do të prodhohet në të njejtën mënyrë si prodhohen makinat e tjera.“
Duhet të kujtojmë që dizajni i Cybertruck është mjaft i veçantë, me fragmente prej çeliku inox të cilat duhet të instalohen nëpërmjet teknikave të ndërlikuara prodhimi që zakonisht nuk përdoren në prodhimin e makinave të tjera.
Tesla gjithashtu ka hasur në pengesa të përsëritura që përfshijnë baterinë e saj të gjeneratës së ardhshme 4680. Data origjinale (dhe shumë optimiste) e lëshimit të kompanisë për Cybertruck ishte viti 2021. Në atë kohë, Tesla tha se automjeti do të fillonte nga $39,900 për variantin me një motor elektrik, ndërsa modeli me tre motorë që do të kushtonte $70,000. Prodhuesi i automjeteve ka thënë që atëherë se nuk ka vendosur ende për çmimin përfundimtar dhe se kostoja e Cybertruck mund të bazohet në faktorë të shumtë, duke përfshirë mungesat e zinxhirit të furnizimit dhe gjendjen e ekonomisë.
