Kia EV9 2024 është një automjet tërësisht elektrik i krijuar për t’iu përshtatur të gjithë klientëve duke plotësuar çdo kërkesë të mundshme të tyren. Le të analizojmë të gjithë elementët që e bëjnë këtë makinë lehtësisht të rekomandueshme për çdo person.
Pamja e jashtme
Pjesa e përparme e EV9 ka emrin e vet – Tiger Face, një riinterpretim i “Tiger Nose” të Kia që nxjerr në pah dimensionet e makinës. Kjo është e rrethuar nga fenerët LED të hollë dhe të mprehtë.
Ndriçimi dixhital i animuar “Star Map” në pjesën e përparme të makinës mund të personalizohet nga shoferi si pjesë e pesë formacioneve Dynamic Welcome Light, që vjen për herë të parë në një Kia.
Në pjesën e pasme, dritat e gdhendura tërheqin vëmendjen në qoshet e trupit të EV9. Nëse kjo tingëllon pak si delikate, nuk një qëllim të tillë, pasi Kia inkurajon blerësit të përdorin makinën për off-roading.
Interiori
Sediljet janë shumë të rehatshme, dhe i bën drejtuesit dhe shoqëruesit e tjerë të ndihen sikur janë ulur në një divan mbretëror. Sipërfaqet e ndenjëseve prej poliuretani jo prej lëkure janë të shumta, me pëlhura të zgjedhura të përbërë nga materiale pjesërisht të ricikluara. Çdo vend brenda EV9 konsiderohet i klasit ekzekutiv, duke përfshirë rreshtin e dytë të sediljeve.
Për një eksperiencë sa më të mirë dëgjimi të muzikës gjatë udhëtimeve tuaja, 14 bokset Meridian Premium Audio janë një zgjedhje që nuk do t’ju zhgënjejë asnjëherë.
Butonat haptik të integruar në qendër qëndrojnë të fshehur derisa makina të ndizet për veçoritë kryesore infotainment. Ndriçimi LED i disponueshëm i timonit ndriçon logon e Kia.
Bateria
Blerësit mund të zgjedhin midis dy opsioneve të baterisë – një paketë 99,8 kWh ose një 76,1 kWh. Gjithashtu mundësia e zgjedhjes ekziston dhe për praninë e motorëve elektrik – një motor i vetëm me goma të pasme aktive me 200 kuajfuqi, ose dy motorë, me katër goma aktive me 380 kuajfuqi.
Eksperienca e të drejtuarit
Të drejtosh një EV9 2024 është një eksperiencë mjaft e veçantë, pasi ofron njëkohësisht rehati dhe fuqi. Pavarësisht madhësisë së kësaj makine, ajo mund të arrijë shpejtësinë 100km/h nga qetësia në rreth 5 sekonda. Kënaqësia më e madhe e të drejtuarit të një EV9 vjen nga kontrollimi i lehtë dhe në kthesa të forta.
Siguria
Lista e veçorive të sigurisë së EV9 është e shumtë dhe e larmishme. Ato përfshijnë Rear-View Monitor, Rear Cross-Traffic Collision-Avoidance Assist dhe Parking Distance Warning Forward and Reverse, të cilat janë krijuar për të lehtësuar manovrat e parkimit në rrethana të ndryshme. Përveç teknologjisë aktive të asistencës ndaj shoferit, EV9 vjen standard me 10 airbag, duke përfshirë një airbag qendror të rreshtit të përparmë që synon të reduktojë dëmtimin e pasagjerit përpara në disa përplasje.
Falë të gjithë këtyre shërbimeve të ofruara në një paketë të vetme, mund të themi me plot bindje se kjo është makina e duhur për të gjithë drejtuesit, sidomos për ata që shijojnë hapësirën e madhe, ndjesinë e luksit, teknologjinë dhe sigurinë.
