Bota ka zyrtarisht një tjetër rekord shpejtësie për makinat e prodhimit.
Më 10 tetor, SSC Tuatara shkatërroi njëherë e mirë rekordin e vendosur nga Koenigsegg Agera RS. Në dy xhiro në vijë të drejtë Tuatara shënoi një mesatare prej 508.7 kmh duke lënë milje larg 447.2 kmh të Agerës.
Në xhiron e tretë hypermjeti arriti një shpejtësi maksimale prej 532.9 kmh duke e rritur kështu edhe më lart shpejtësinë më të lartë të arritur në një rrugë publike.
Në mënyrë që këto rezultate të jenë të vlefshme duhet që mjeti të bëje xhiro konsekutive në drejtime të kundërta me diferencë 1 orëshe nga njera tjetra, për të marrë parasysh edhe erën dhe ngritjen e tokës.
Pista e zgjedhur është një segment 11.3 km pranë Pahrump, Nevada. Oliver Webb, piloti që ndodhej pas timonit, tha se pengesa e tij më e madhe ishte era dhe se ajo makinë mund të nxirrte edhe më shumë, por kushtet atmosferike nuk e lejuan.
Kjo ditë historike vjen në fakt 10 vjet pasi SSC vendosi një rekord me makinën e vetë të parë, Ultimate Aereo.
Asgjë nga kjo Tuatara nuk është ndryshe nga versioni për prodhim. I njejti motorr biturbo V8 5.9 litër. Me karburant E85 ajo është e aftë të nxjerrë 1,750 kuaj fuqi. 91 oktan e ul kapacitetin në 1,350 kuaj fuqi.
Profili agresiv aerodinamik dhe fuqia marramendëse janë atë që mundësuan shpejtësinë dhe këtë rekord të ri.
