Pas një pritje 5 vjeçare për prezantimin e makinës elektrike Afeela 1 të krijuar në bashkëpunim nga Sony dhe Honda, në CES 2025 u njoftua se të gjithë klientët mundet tashmë të porosisin një automjet të tillë.
Sony Honda Mobility njoftoi dhe detajet e çmimit dhe para-porositjes për Afeela 1. Automjeti do të vijë në dy modele: Afeela 1 Origin me vlerë $89,900 dhe Afeela 1 Signature me vlerë $102,900. Të dy çmimet përfshijnë një abonim tre-vjeçar për një sërë shërbimesh në makinë, duke përfshirë asistencën e shoferit të Nivelit 2+ dhe një asistent personal të fuqizuar nga AI.
:format(webp)/cdn.vox-cdn.com/uploads/chorus_asset/file/25820512/Screenshot_2025_01_06_at_8.43.45_PM.png)
Para-porositë fillojnë sot dhe blerësit e interesuar që jetojnë në Kaliforni – dhe me sa duket vetëm në Kaliforni – mund të bëjnë një depozitim të rimbursueshëm prej $200 për të hyrë në radhë për të blerë një makinë të tillë. Është e paqartë nëse dhe kur Afeela do të jetë në dispozicion për 49 shtetet e tjera.
Gjatë këtij eventi u paraqitën dhe specifika të reja, duke përfshirë deri në 480km autonomi EPA dhe mbështetje të integruar për rrjetin Supercharger të Tesla-s. Opsioni i vetëm i bojës duket të jetë “Core Black“. Versioni më i shtrenjtë Signature do të fillojë dërgesat në vitin 2026, ndërsa klientët do të duhet të presin deri në vitin 2027 për Origin më të lirë.
Versioni më i fundit i prototipit, të cilin CEO i Sony Honda Mobility, Yasuhide Mizuno, e përshkroi si “afër finales“, duket ende si një përzierje e një Tesla me Lucid Air. Ai krenohet me ekranet në të gjithë gjerësinë e panelit, 40 sensorë dhe kamera për asistencë në drejtimin gjysmë autonom, 4WD dhe sugjerime për integrimin e realitetit të shtuar dhe “botë virtuale” të ngulitura në përvojën e drejtimit.
Kjo makinë është krijuar për të konkurruar me disa nga lojtarët kryesorë në hapësirën luksoze të automjeteve elektrike. Mizuno demonstroi një nga veçoritë më të avancuara kur thirri automjetin në skenë duke shqiptuar komandën zanore “Come out, Afeela” në telefonin e tij.
