YouTube dhe Spotify, shërbimet më të njohura të transmetimit të videove dhe muzikës në botë, kanë të njëjtin plan si Netlflix për sa i përket realitetit të përzier të Apple.
YouTube tregoi të enjten se nuk po planifikon të lançojë një aplikacion të ri për Apple Vision Pro dhe as nuk do të lejojë që aplikacioni i tij i vjetër për iPad të funksionojë në këtë pajisje – të paktën për momentin. YouTube, si Netflix, po rekomandon që klientët të përdorin një web browser nëse duan të shohin përmbajtjet në këto platforma.
“Përdoruesit e YouTube do të jenë në gjendje të përdorin YouTube në Safari në Vision Pro në fillim“. Spotify gjithashtu nuk po planifikon aktualisht të prezantojë një aplikacion të ri për visionOS – sistemin operativ të Vision Pro – dhe nuk do të lejojë që aplikacioni i tij për iPad të funksionojë në pajisje kur të lançohet, sipas një personi të brendshëm. Por njësoj si YouTube, shërbimi muzikor do të vazhdojë të funksionojë nga një web browser.
Vision Pro do të ofrojë akses në aplikacionet e Apple për muzikë dhe podkaste, të cilat konkurrojnë me shërbimet e Spotify. Por, mospërfillja nga Netflix, Spotify dhe YouTube do të thotë që aplikacionet më të njohura të transmetimit nuk do të jenë të disponueshme kur ky headset të vijë drejt përdoruesve më 2 shkurt.
YouTube është një mungesë veçanërisht e madhe për produktin. Kompania nuk e përjashtoi përfundimisht mbështetjen e Vision Pro, por tha se “nuk kishte plane të mëtejshme në këtë moment“.
