Meta po hap mundësinë për këdo në SHBA për të krijuar versione të AI të vetes në Instagram ose në web nëpërmjet një shërbimi të ri të quajtur AI Studio.
Krijuesit dhe pronarët e bizneseve do t’i përdorin këto profile të AI për të folur me ndjekësit e tyre në emër të tyre. Ata do të jenë në gjendje të flasin drejtpërdrejt me njerëzit në chat dhe t’u përgjigjen komenteve në emër të autorit të tyre. Meta thotë se përdoruesit e Instagramit në SHBA mund të punojnë në AI Studio nëpërmjet faqes së saj të internetit ose duke filluar një “chat të ri AI” direkt nga Instagram.
Në një postim në blog të hënën, kompania shkruan se “krijuesit mund të personalizojnë AI-në e tyre bazuar në gjëra të tilla si përmbajtja e tyre në Instagram, temat që duhet të shmangin dhe links që duan që AI të ndajë me ndjekësit“.
Postimi vazhdon duke thënë se krijuesit do të jenë në gjendje të aktivizojnë gjëra të tilla si përgjigjet automatike nga AI e tyre dhe të diktojnë se me cilat llogari specifike lejohet të ndërveprojë. AI Studio gjithashtu lejon krijimin e karaktereve krejtësisht të reja të AI që mund të përdoren nëpër aplikacionet e ndryshme të Meta.
Fillimisht Meta e mundësoi këtë koncept për një pjesë të vogël të personave të famshëm, por me emra dhe personalitete të ndryshme. Në atë kohë, Meta tha se e mori këtë qasje sepse shqetësohej për versionet e AI të të famshëmve që thoshin gjëra problematike në emër të homologëve të tyre njerëzorë.
Kompania thekson se profilet e AI janë të etiketuara qartë kudo që shfaqen.
