Historitë e fillimit të kompanive trilion dollarëshe që fillojnë në garazhe adoleshentësh i kemi dëgjuar të gjithë. Apple sot është kompania më e shtrenjtë në botë e megjithatë nisi nga pasioni i dy djaloshëve për të sjellë kompiuterin në shtëpitë e familjes mesatare.
Një kapak i Apple II Plus i firmosur nga Steve Jobs dhe Steve Wozniak do të dalë në ankand pas dy javësh dhe pritet të kapë një shitje prej të paktën $20,000.
Pjesa daton në 1984, ajo vjen nga universiteti i Pittsburgh, 24 janarin e atij viti, ku një profesor i universitetit mori një kapak dhe arriti ta firmoste nga dyshja revolucionare e asaj kohe. Me të arritur qëllimin ai e mori dhe e vuri në kornizë në shtëpi duke e ruajtur në familje për disa dekada.
Ky kapak do të shkojë në ankand më 24 nëntor në shtëpinë e ankandeve Doyle.
