Krijuar vite më parë me synim qytetarin mesatar, Volkswagen Golf vazhdon të mbetet në zemrat e kujtdo shoferi që ka shpenzuar sado pak kohë me të. E sidomos për Shqipërinë, një muze i mirfilltë për secilën gjeneratë të modelit.
E ardhmja bekohet për fat të mirë me një Golf R tjetër, motorr me djegie të brendshme dhe kambio manuale.
Motorri 2.0 litërsh turbo-4 prodhon 315 kuaj fuqi, nga 0 në 100kmh në 4.7 sekonda dhe një shpejtësi maksimale të limituar deri në 250kmh ndërsa versioni R Performance 270kmh.
Gjithë shtrigëria e re e arodinamikës, suspensionit dhe sistemeve automatike mundësojnë që pistën e Nurburgringut ta bëjë për 19 sekonda më shpejtë se paraardhësi i vetë.
19 sekonda! Fishek!
Golfi ka qenë gjithmonë një mjet sexy, ndryshimet e reja në look e çojnë edhe më tej. Ky model e përqafon tokën më shumë, suspensioni është 20mm më i ulët, parakolp i njejtë, por ndarjet kanë marrë ca dhëmbëza për agresivitet më të theksuar. Fenerët janë larguar nga këndet e drejta duke marrë disa valëzime tipike të mjeteve japoneze.
Pjesa e pasme karakterizohet nga stopat me e gjeneratës së re, një bisht më i dalë dhe katër marmita, origjinale kësaj here.
Interiori i Golfit tashmë ka vite që ka dalë nga një hatchback bazik, me opsione nga ngrohja e pavarur, ekrane HD me prekje, audio 3D etj. Sportivitet në çdo detaj, nga sediljet elegante, fibrat e karbonit e deri tek timoni i mirëpajisur.
Një timon i pajisur edhe me butonin R i cili kalon makinën nga njëri modalitet në tjetrin nga 4 mënyrat e vozitjes së automjetit. Një prej tyre veçanërisht për pistën.
Modeli është i 2022 por pritet të vijë në fund të 2021. Do të ketë modele me kambio manuale por edhe automatike me 7 shpejtësi. Volkswagen ende nuk ka dhënë detaje për çmimin por nëse modeli i vjetër fillonte tek £33,000 një ide paraprake besoj se e kemi.
