Një makinë së cilës nuk ka rëndësi nga cila anë i hipën, timoni ndodhet aty ku ne primitivët kemi marshin dhe zhvendosje laterale krejt lirshëm.
Kjo është makina e së ardhmes sipas Daimler, kompania mëme e Mercedes-Benz.
Këtë janar kompania na e mbajti të gjithëve frymën kur në CES 2020 paraqiti një prototip të një makine futuristike pa timon e me drita të bukura.
Ky mjet qenka i aftë të bëjë shumë më tepër sesa të duket bukur. Mercedes-Benz AVTR është shfaqur në një video ku përmblidhet çfarë paskan qenë duke bërë gjatë pandemisë gjermanët.
Makina me emër të frymëzuar nga filmi i famshëm Avatar, përpiqet që të ndjekë atë të ardhme, të ardhmen e njeriut të ndërgjegjshëm ambientalisht. Automjeti do të lidhet me shoferin me anë të një qëndre kontrolli e cila do të njohë shoferin nga shenjat e gishtit dhe rrahja e zemrës.
Për më tepër, Daimler thotë se teknologjiabe përdorur në bateritë e AVTR është totalisht revolucionare, dhe e pa parë në asnjë nga automjetet e tjera elektrike.
Ata refuzojnë të ndajnë detaje për të por thonë vetëm se ajo përbëhet nga një kimi e bazuar në pila garafeni e cila është totalisht e pastër nga mineralet dhe metalet e rralla të tokës dhe plotësisht e riciklueshme.
