Porsche sapo ka prezantuar makinën më të fuqishme që ka prodhuar ndonjëherë në masë. Taycan Turbo GT është një makinë tërësisht elektrike me 1093 kuaj fuqi, që del në treg këtë verë, dhe tashmë ka vendosur dy rekorde shpejtësie në pistë për një makinë elektrike.
Kaq shumë kuaj fuqi dhe përshpejtimi mahnitës janë më të zakonshëm në mesin e makinave elektrike sesa ato me benzinë, veçanërisht pasi automjetet elektrike mund të kenë motorë të shumëfishtë. Shifrat e performancës si këto kanë pak vlerë praktike, natyrisht. Do të ishte e pamundur t’i afroheshe potencialit të kësaj makine përveçse në një pistë dhe pak do të kishin aftësitë e drejtimit për ta bërë këtë.
I gjithë ky reklamim bëhet që klientët të kenë “aftësinë për t’u mburrur” për atë që mund të bëjë makina e tyre, teorikisht. Dhe, për Porsche, ka të bëjë me lënien mënjanë të shqetësimeve nëse makinat elektrike, me bateritë e tyre të rënda dhe funksionimin pothuajse të heshtur, mund të jenë emocionuese si makina me gaz, pasi presioni rregullator rritet për të shitur më shumë EV.
Taycan Turbo GT vendosi një rekord botëror në kohën e xhiros në Nürburgring Nordschleife të famshme të Gjermanisë, një pistë sfiduese ku prodhuesit e automjeteve testojnë shpesh makinat e tyre sportive më konkurruese. Nürburgring kërkon makina që jo vetëm janë shumë të shpejta dhe të por që manovrohen mirë dhe në kthesa. Vendosja e një rekordi është diçka për të cilën mburren prodhuesit e makinave sportive, dhe në këtë rast është koha e Porsche të mburret.
Ky Turbo GT, një version i ri i Porsche Taycan elektrike, përmban dy motorë. Së bashku ata mund të prodhojnë më shumë se 1000 kuaj fuqi. Megjithatë, kjo lloj eksperience me EV me performancë kaq të lartë do të kushtojë rreth $230,000.
