Smartphonët e palosshëm mesa duket nuk qenkan mjaft për Samsung sepse sipas raporteve kompania po eksperimenton edhe me përdorime të tjera të ekraneve të lakueshëm.
Është pikasur një patentë e cila ilustron një pjesë të ekranit që del paksa nga kasa.
Kjo për të krijuar një hapsirë rezonimi brenda smartphonit. Shpjegohet se aparati do të ketë dy panele të veçantë, bokset, mikrofoni, kamera dhe sensorë të tjerë do të jenë mes këtyre dy paneleve.
Njëri prej paneleve do të ngrihet dhe do të krijojë hapësirën për boksin e audios, duke zëvendësuar atë kapjen prej mjeshtri që bëjmë me dorë për ta krijuar vetë atë boshllëkun rezonues.
Kjo duhet të ndihmojë në amplifikimin e tingullit e do ta bëjë atë më të zëshëm.
Patenta flet për përdorimin e polimerit të plastikës në ekrane smartphonësh me ekran të sheshtë. Por nëse produkti bëhet komercial është e mundur që kompania të kalojë tek përdorimi i xhamit. Korniza do të jetë me kënde ndryshe nga harqet e deritanishme por edhe ekrani do të jetë i sheshtë.
Por si gjithmonë, me patentat nuk i dihet kurrë nëse do i shohim ndonjëherë të aplikuara, nuk na ngelet veçse të presim.
