Tre prodhues të telefonave Android kanë njoftuar se do të sjellin butonin “Camera Control” të ngjashëm me atë të gjetur në iPhone 16. Realme, Oppo dhe Nubia potencialisht do të prezantojnë butona të ngjashëm me atë të Apple në telefonat e saj më të rinj.
Një ndryshim i tillë është parë në një video të një smartphone-i ende jo të prezantuar të shpërndarë nga zëvendës presidenti i Realme, Chase Xu, ku shfaqte një buton që imitonte atë që bën butoni i kamerës në iPhone. Xu tha se butoni mund të hapte shpejt aplikacionin e kamerës dhe tregoi se si mund të përdoret për të zmadhuar dhe zvogëluar dhe për të bërë foto.
Ndërkohë, një leaker shumë i njohur tregoi se telefonat e ardhshëm Find X8 të Oppo-së thuhet se do të kenë një buton të ngjashëm. Ky buton është duke u quajtur “Quick Button” tani për tani, megjithëse emërtimi mund të ndryshojë.
Së fundmi, presidenti i Nubia-s, Ni Fei bëri një postim në platformën kineze të mediave sociale Weibo, ku ngacmoi një telefon që pritet të prezantohet së shpejti. Ky telefon me sa duket do të ketë AI, një ekran më të mirë dhe, siç e keni marrë me mend, një buton për kontrollimin e kameras.
Apple sigurisht nuk është kompania e parë që lëshon një smartphone me butonin e kamerës, por ajo që bën pikërisht ky buton i kamerës është disi e re. Telefonat e tjerë kanë pasur butona të ngjashëm në të kaluarën, por asnjëherë nuk tërhoqën kaq vëmendje sa tani. Apple, ndoshta për shkak të të qenit një korporatë kaq masive, shpesh vendos tendencat në industri pa e kuptuar fare.
