Pandemia kapi të papërgatitur ZuckerBook-un dhe shumë kompani të tjera, Messenger Rooms ishte kundërpërgjigja ndaj Zoom dhe FaceTime. Në prill u lançua dhe në maj numri i pjesëmarrësve u rrit deri në 50. Ndërsa tani në iOS mund të bëhet screen share, pra të ndash ekranin e smartphonit tënd Apple me pjestarët e bisedës.
Duke mundur kështu edhe vetë FaceTime.
Për momentin ekrani nuk mund të ndahet me më shumë se 16 persona, por kompania ka plane ta sjellë këtë mundësi shumë shpejtë dhe madje t’i japë kontrollin në dorë krijuesit të bisedës në lidhje me cilët persona mund të ndjanë apo jo ekranin e tyre. Funksioni është i disponueshëm globalisht që tani ndërsa në web dhe desktop ka qenë aktiv prej kohësh.
Kështu nëse në mes të një bisede dëshiron ti tregosh atë videon interesante që gjete në Reddit dikujt që nuk e ka këtë aplikacion ja hapat që duhet të ndjekësh:
1. Pasi të ketë nisur biseda, tërhiq lart për panelin e kontrollit në fund të ekranit
2. Zgjidh “Share your Screen” më pas “Start Sharing”
3. Më pas “Start Broadcast”
4. Shtyp zonën gri që të krijosh dritaren e transmetimit të ekranit dhe përdor funksionin e ri.
5. Dil nga Messenger dhe vazhdo të navigosh në aplikacionet e tjera.
6. Mund ta përfundosh ndarjen e ekranit duke shtypur “STOP” lart djathtas në Messenger, duke shtypur regjistruesin e kuq lart majtas, ose duke përfunduar telefonatën.
