Fluturimi historik i majit duket se po mbyll fazën pasi kapsula duhet të rikthehet në tokë.
Kyle Hering përfaqësuesi i NASA Johnson Space Center ka postuar në Twitter se data 2 gusht do të jetë data e rikthimit të Crew Dragon dhe astronutëve, megjithatë kujton se ka akoma shumë punë përpara derisa data të jetë përfundimtare.
I guess I should clarify that a lot has to be done before @Commercial_Crew @spacex Crew Dragon splashdown of with @AstroBehnken and @Astro_Doug on Aug. 2. Let’s get past next weeks @Space_Station spacewalk. Then return planning will get serious!
— Cmnt8r (@Cmnt8r) July 17, 2020
Astonautët Bob Behnken dhe Doug Hurley kanë marrë pjesë në një sërë misionesh në Stacionin Hapësinor Internacional, pjesë e të cilave edhe 4 ecje në hapësirë.
Udhëtimi i parë i Crew Dragon është në fakt ende një mision demonstrues dhe jo një operacion zyrtar për ISS.
Kthimi është po aq i rëndësishëm për SpaceX sa edhe nisja në maj, pra jo vetëm dërgimi por edhe kthimi i sigurtë në shtëpi do të vërtetojnë sigurinë e shërbimit nga kompania e Musk.
Gjatë zbritjes, Crew Dragon do të bëjë një ndarje automatike nga ISS dhe manovër fliturimi në kthim me të dy astronautët në bord. Do të hyjë në atmosferën e Tokës dhe do të ngadalësojë me ndihmën e një parashute të projektuar dhe testuar nga SpaceX, e më pas do të ulen butësisht në oqeanin Atlantik nga ku do të rikuperohen nga ekuipazhi i dedikuar i kompanisë.
Operacioni varet edhe nga kushtet atmosferike, toleranca për erërat në këtë mision është mjaft e shtrënguar. Por muaji gusht është zakonisht i qetë në zonën e shënjestruar për ulje ndaj pritet të jetë një sukses.
