Ndër viktimat e pandemisë është padyshim edhe bota e teknologjisë, e aq më shumë një treg me kërkesë të lartë si ai i smartphonëve. Në një vit të tillë me kaq shumë surpriza asgjë nuk është e sigurt dhe tregu ndërron nga dita në ditë.
Por uria për avancim dhe produkte më të mira nuk rresht ndaj edhe i kemi gjithmonë sensorët e ndezur për çka pritet të vijë, aq më shumë kur bëhet fjalë për një kafshë punë si Galaxy Note.
Detajet e diskutuara tashmë prej kohësh e pozicionojnë në fronin e Androidit më të mirë të të gjithë kohrave. Set i fuqishëm kamerash, lapsi stylus me funksione të reja, memorie të çmendur si asnjë tjetër. Z Fold 2 pritet të vijë me ekran 7.7-inch 120hz me rezolucionin më të mirë në qarkullim dhe i pari smartphone me kamerën selfie nën ekran.
Tradicionalisht Note është prezantuar në gusht për ti paraprirë edhe shtatorit të iPhonit por kësaj radhe sipas zërave mund të vijë edhe më shpejtë.
Sipas një leakeri të respektuar në Twitter Max Weinbach, Korriku është muaji kur do të vijë Samsung Galaxy Note 20 së bashku me Fold 2.
Samsung Galaxy Z Fold 2: codename Champ. Will likely use Ultra Thin Glass. Could be the first phone with under display camera. 7.7″ Infinity Flex Display. Likely launching around July. Should be around the same time as the Note20.
— Max Weinbach (@MaxWinebach) February 17, 2020
Rikujtojmë faktin se tregu është mjaft delikat në këto momente, ndaj nuk është momenti për të ruajtur traditën. Teksa bota mundohet të marrë fryme pas karantine, ndoshta kompania mendon të shfrytëzojë momentin pasi kurrë nuk i dihet çfarë mund të pasojë në muajt e ardhshëm.
Pandemi apo jo, një produkt i tillë nuk mund të vijë lirë andaj edhe çmimet e parashikuara pritet të fillojnë të paktën tek $1000.
Mbetemi në pritje, dhe nëse kjo është e vërtetë mjaft leak të tjerë na presin.
