Publikimi i serisë së re të smartphone-ve Pixel nga Google është planifikuar për t’u organizuar në datën 13 gusht në SHBA, megjithatë pamjet e jashtme të këtyre smartphone-ve janë bërë leak në internet që në korrik (një gjë që ndodh prej vitesh). Pritet që këtë vit kompania të prezantojë 3 smartphone: Pixel 9, Pixel 9 Pro dhe Pixel 9 Pro XL.
Llogaria e quajtur PixoPhone duket se ka siguruar Pixel 9 Pro dhe Pixel 9 Pro XL saktësisht një muaj para prezantimit të tyre në Ukrainë dhe postoi një video duke i krahasuar ato krah për krah. Për më tepër, i njëjti kanal krahasoi modelin Pro XL me Samsung Galaxy S24 Ultra, një nga telefonat më të mirë Android aktualisht në dispozicion.
Videoja praktike e të dy telefonave Pixel 9 Pro i tregon ato në të gjitha këndet, duke përfshirë dhe ishullin e veçantë gjigand të kamerave. Pixel 9 Pro XL, modeli ultra premium në shumë, duket të ketë një xham të pasëm me shkëlqim, ndërsa Pixel 9 Pro ka një xham ngjyrë mat.
Ishulli i kamerave në modelin XL përmban gjithashtu një lente periskopike dhe, me sa duket, sensorin e temperaturës. Dy kamerat e tjera duken identike me Pixel 9 Pro. Pjesa tjetër e vendosjes së butonave janë të njëjta në të dy aparatet. Siç shihet, Pixel 9 Pro dhe Pixel 9 Pro XL kanë një dizajn të ngjashëm me iPhone, me qoshe të rrumbullakosura.
Në video mund të dallojmë gjithashtu se Pixel 9 Pro XL, i krahasuar menjëherë me Galaxy S24 Ultra, është më i vogël se sa smartphone-i më i mirë i Samsung, pasi në të gjendet i integruar dhe një laps S Pen.
