Meta po ofron paga shumë konkurruese për të tërhequr talentin më të mirë në fushën e teknologjisë, sidomos në atë të inteligjencës artificiale, në një periudhë rivaliteti të ashpër në Silicon Valley. Ndërsa kompania raportohet se po investon qindra milionë dollarë për të tërhequr studiues të rangut të lartë në AI, të dhënat e publikuara nga regjistrimet federale në SHBA zbulojnë se sa paguhet stafi më i gjerë i Meta-s përmes programit të vizave H-1B.
Zbulime kryesore nga pagat e Meta-s:
Këto të dhëna, të detyrueshme për punësimin e të huajve përmes sistemit të llotarisë H-1B, ofrojnë një vështrim të rrallë në pagat bazë. Ato nuk përfshijnë opsionet mbi aksione, shpërblimet apo përfitimet e tjera, të cilat shpesh e rrisin ndjeshëm pagesën totale.
- Inxhinierët e softuerit paguhen deri në $480,000 në vit.
- Inxhinierët e machine-learning dhe studiuesit në AI paguhen nga $165,000 deri në $440,000.
- Dizenjuesit e produkteve dhe studiuesit UX arrijnë paga midis $200,000 dhe $350,000.
- Shkencëtarët kërkimorë në AI marrin deri në $232,000, ndërsa menaxherët e marketingut të produkteve AI arrijnë $220,000.
Në departamentin e të dhënave, pagat janë po aq të larta:
- Data scientists paguhen deri në $270,000,
- Menaxherët e data science deri në $301,619
- Drejtorët e data science deri në $320,000.
Në inxhinieri, përveç inxhinierëve të softuerit:
- Inxhinierët e harduerit, ASIC dhe të kontrollit të cilësisë paguhen mbi $240,000
- Drejtorët inxhinierikë marrin rreth $352,000
- Menaxherët e inxhinierisë së softuerit deri në $328,000.
Në menaxhimin e produkteve, menaxherët paguhen deri në $314,159, ndërsa drejtorët deri në $356,512. Edhe menaxherët e programeve teknike arrijnë paga afër $275,000.
Në kërkime, studiuesit UX paguhen deri në $350,000, dhe shkencëtarët kërkimorë deri në $321,101. Edhe në nivele të larta, studiuesit marrin mbi $300,000.
Këto të dhëna tregojnë masat ekstreme që Meta po ndërmerr për të fituar garën e AI. Ndërsa zhvillon laboratorin e saj të Superinteligjencës, Meta po ofron paketa deri në $300 milion për 4 vite për studiuesit më të mirë, duke ruajtur gjithashtu një mjedis shumë të paguar për të gjithë stafin teknik.
Ndërkohë, konkurrenca vjen edhe nga startup-e si Thinking Machines Lab i themeluar nga ish-CTO e OpenAI, Mira Murati, që raportohet se u paguan inxhinierëve deri në $500,000 pagë bazë — pa publikuar ende asnjë produkt. Kjo garë po rrit pagat dhe po ndryshon standardet në të gjithë industrinë.
