Thinking Machines Lab (TML), startup-i sekret dhe shumë i përfolur në fushën e AI, i themeluar nga ish-CTO e OpenAI, Mira Murati, po paguan paga jashtëzakonisht të larta për të rekrutuar talentet më të mirë teknikë—edhe pse ende nuk ka prezantuar asnjë produkt.
Sipas të dhënave federale për vizat H-1B në SHBA, katër anëtarë të stafit teknik të TML paguhen nga 450,000 deri në $500,000 në vit. Këto janë vetëm pagat bazë dhe nuk përfshijnë shpërblimet e nënshkrimit apo aksionet që zakonisht përbëjnë fitimin më të madh në startup-e.
Me një pagë mesatare prej $462,500, TML po paguan më shumë se konkurrentët si OpenAI (mesatarisht $292,115) dhe Anthropic (387,500 dollarë).
Këto punësime ndodhën përpara se TML të siguronte $2 miliardë financim me një vlerësim prej $10 miliardë. Që atëherë, kompania ka rekrutuar figura të rëndësishme nga OpenAI, si Bob McGrew, Alec Radford, John Schulman (bashkëkrijues i ChatGPT), Barret Zoph dhe të tjerë.
Faqja zyrtare e TML tregon se kompania ka pezulluar pranimin e aplikimeve të reja, gjë që pasqyron konkurrencën e ashpër për studiuesit më të mirë të AI. Meta thuhet se ka ofruar bonuse deri në 100 milionë dollarë për të joshur talentë.
Murati kaloi mbi 6 vite në OpenAI, duke ndihmuar në zhvillimin e ChatGPT dhe projekte të tjera kërkimore. Ajo u emërua përkohësisht CEO në nëntor 2023 pas largimit të Sam Altman, por pas rikthimit të tij, u rikthye si CTO. Me TML, Murati synon të krijojë një konkurrent serioz në fazën e ardhshme të inovacionit në AI.
