Nëse sfidat ekstreme janë gjërat tuaja të preferuara, NASA ofron mundësinë e përsosur për ju (nëse jeni qytetar amerikan). Agjencia hapësinore bëri një thirrje të premten për vullnetarët që duan të marrin pjesë në misionin e saj të dytë të simuluar të jetës në Mars, Crew Health and Performance Exploration Analog (CHAPEA 2).
Misioni do të fillojë në pranverën e vitit 2025, dhe katër anëtarët e përzgjedhur të ekuipazhit do të vendosen në një habitat 3D me sipërfaqe 1700 metra katrorë në Huston. NASA po pranon aplikime në faqen e internetit CHAPEA nga tani deri më 2 prill. Sigurisht që do të ketë dhe një pagesë për këta pjesëmarrës, por NASA nuk e ka bërë publike shumën me të cilën ata do të shpërblehen.
Habitati Mars Dune Alpha në Qendrën Hapësinore Johnson të NASA-s është krijuar për të simuluar se si mund të jetë jeta për eksploruesit e ardhshëm në planetin e kuq, ku mjedisi është i ashpër dhe burimet do të jenë të kufizuara. Aktualisht është një ekuipazh që jeton dhe punon atje si pjesë e misionit të parë CHAPEA, i cili tani ka kaluar gjysmën e detyrës së tij 378-ditore.
Gjatë qëndrimit të tyre, vullnetarët do të kryejnë mirëmbajtjen e habitatit dhe të mbjellave. Aplikantët duhet të jenë shtetas amerikanë të moshës 30-55 vjeç, të flasin anglisht dhe të kenë një diplomë master në një fushë STEM, plus të paktën dy vjet përvojë profesionale, të paktën një mijë orë pilotim të një avioni ose punoni prej dy vitesh në një program të doktoraturës STEM.
Disa përvoja profesionale mund të lejojnë që aplikantët pa master të kualifikohen gjithashtu. CHAPEA 2 është i dyti nga tre misionet që NASA ka planifikuar për programin, i pari prej të cilit filloi më 25 qershor 2023.
