Një leak i ri ka treguar se Apple ka ndaluar procesin e zhvillimit të iPhone-ve të palosshëm për shkak të problemeve të mundshme me cilësinë e ekraneve.
Sipas blogerit Fixes Focus Digital, i cili zakonisht nuk raporton leaks rreth Apple, tregon se kompania ka blerë dhe testuar smartphone-t e palosshëm të rivalëve si pjesë e procesit të saj të kërkimit dhe ka hasur në një problem me të paktën një nga pajisjet e palosshme që përdor një ekran të prodhuar nga Samsung. Raportimi thotë se panelet e fundit të palosshme të Samsung “u prishën pas disa ditësh” testimi të Apple.
Ky problem thuhet se ka bërë që Apple të ndalojë zhvillimin për momentin pa asnjë tregues se kur do të rifillojë. Nuk ka pasur asnjë fjalë as nga Samsung dhe as nga Apple për këtë çështje. Duhet të theksohet se ky thashethem nuk përmend iPadin e planifikuar të palosshëm dhe çdo problem i mundshëm i cilësisë ka të ngjarë të mos jetë aq i konsiderueshëm për një tablet. Arsyeja për këtë ka të bëjë me mënyrën se si përdoret teknologjia, domethënë, tabletët nuk kalojnë aq shumë kohë në xhepat e njerëzve.
Ky informacion nuk është zyrtar, kështu që mbetet për t’u parë nëse do të ketë një deklaratë nga zëdhënësat e kompanive. Nuk është çudi që Apple të porosisë ekrane nga Samsung apo kompani të tjera, pasi kjo gjë ka ndodhur prej vitesh.
