Dhe pse Apple sapo ka prezantuar pajisjen e re Vision Pro, nuk dëshiron të ndalet vetëm me këtë produkt të ri, por të zgjerohet dhe në drejtime të reja në të ardhmen.
Një raport i ri nga The Information ka zbuluar se kompania po zhvillon “të paktën dy” prototipe të iPhone që palosen horizontalisht, ngjashëm me pajisjet Galaxy Z Flip të Samsung. Nuk ka gjasa të shohim një iPhone të palosshëm së shpejti, pasi The Information raporton se pajisja nuk është në planet e prodhimit masiv të kompanisë as për vitin 2024 as për 2025, por për vitin 2027. Edhe pse kompania thuhet se dëshiron të krijojë një iPhone të palosshëm me ekrane në pjesën e jashtme të pajisjes, The Information thotë se inxhinierët “nuk e rekomandojnë” dizajnin sepse mund të thyhet.
Për më tepër, inxhinierët thuhet gjithashtu se duan të zhvillojnë një pajisje të palosshme që është “po aq e hollë sa modelet aktuale të iPhone“, por madhësitë e baterisë dhe komponentët e ekranit e bëjnë këtë një sfidë. Deri më tani, Apple ka folur me një prodhues në Azi për blerjen e pjesëve për iPhone të palosshëm të madhësive të ndryshme.
I njëjti plan po mundohet të arrihet dhe tek sektori i tabletëve, me iPad-in e palosshëm të Apple të përfolur prej kohësh. Sipas The Information, Apple po kërkon të zhvillojë një tablet të palosshëm që është rreth të njëjtës madhësi si një iPad Mini me një ekran 8 inç.
Inxhinierët e Apple që punojnë në produkt thuhet se janë duke u përpjekur për të reduktuar rrudhën e palosjes që shfaqet në qendër të ekranit dhe gjithashtu duan të zhvillojnë një mekanizëm hapës që e bën ekranin plotësisht të sheshtë kur hapet.
Ende nuk është e qartë se kur Apple mund të lëshojë një iPad të palosshëm, por një raport i fundit nga The Elec sugjeron se Apple është duke përgatitur një pajisje shtatë ose tetë inç për 2026 ose 2027.
