Në disa raste të ndryshme ne kemi nevojë të ruajmë ose të shpërndajmë dokumente me persona të tjerë, dhe mënyra më e lehtë e shpërndarjes me cilësi të lartë të këtyre dokumenteve është skanimi i tyre.
Ndoshta ju deri më tani keni përdorur një aplikacion të palës së tretë të shkarkuar nga Play Store/App Store për ta bërë diçka të tillë, megjithatë ne do t’ju tregojmë një mënyrë mjaft të thjeshtë për të skanuar dokumentet tuaja me aplikacionet që janë të instaluara paraprakisht në smartphone-in tuaj.
Si të skanoni dokumente në iPhone apo iPad
Ekzistojnë disa mënyra për të skanuar dokumente në iPhone dhe iPad, por ne do të fokusohemi në mënyrën që përdor aplikacionin Files, pasi dokumentet e skanuara do të regjistrohen aty dhe do të jetë e lehtë për ju që t’i editoni më vonë dhe t’i shpërndani.
- Fillimisht hapni aplikacionin Files
- Më pas shtypni ikonën e menusë me 3 pika në cepin e djathtë lart
- Shtypni Scan Document
Tani, poziciononi telefonin ose tabletin në mënyrë që të jetë drejtpërdrejt mbi dokument dhe do të shihni një mbivendosje blu të shfaqet në dokument, që tregon se është duke u skanuar. Më pas mund të prekni pamjen paraprake të dokumentit në pjesën e poshtme majtas për të modifikuar dokumentet tuaja. Ju mund t’i bëni crop në rast se skanimi automatik aq i mirë sa duhej dhe të shtoni një filtër për të përmirësuar lexueshmërinë e tyre.
Si të skanoni dokumente në Android
Mënyra e skanimit të dokumenteve në Android ndryshon nga modeli në model. Në pajisjet Pixel 7 dhe më të reja, si dhe në Galaxy S22 dhe më të reja, ju keni një modalitet të përfshirë në aplikacionin e kameras për të skanuar një dokument. Megjithatë, ju mund të përdorni dhe aplikacionin e pre-instaluar të Drive në smartphone-in tuaj për të bërë këtë veprim.
- Fillimisht hapni Google Drive
- Shtypni butonin blu (+) në cepin e djathtë poshtë
- Më pas shtypni Scan
- Nëse jeni të lumtur me skanimin tuaj, klikoni Save në cepin e djathtë poshtë
