Disa muaj pas ndarjes së detajeve dhe imazheve fillestare, smartphone-i i Polestar, i zhvilluar nga Meizu në Kinë, është parë në faqen e internetit të API të Google si një pajisje e suportuar nga Play Store.
Detajet e telefonit të ardhshëm Polestar mbeten relativisht të pakta, por ne mund të konfirmojmë se do të vijë me sistemin operativ Android. Gjatë një eventi mediatik në Kinë vjeshtën e kaluar, marka EV Polestar në pronësi të Geely dhe Volvo (të paktën tani për tani) tregoi se po ndiqte hapat e NIO dhe po punonte për të prezantuar smartphone-in e saj për të mbështetur sa më mirë përdoruesit e makinës Polestar 4.
Imazhet fillestare shfaqën një pamje të jashtme të bardhë me një korniza metalike të sheshtë dhe një ishull me 3 kamera ku përfshiheshin ajo lente kryesore me focal length 23mm, një lente telefoto me focal length 70 mm dhe një lente ultrawide. Telefoni Polestar pritet të fuqizohet nga një procesor Qualcomm Snapdragon 8 që është projektuar dhe ndërtuar me ndihmën e zhvilluesit kinez të smartphone-ve Meizu – një tjetër kompani nën ombrellën e Geely.
Tabela e Google gjithashtu konfirmon se telefoni inteligjent Meizu në fakt do të quhet Polestar Phone, pa asnjë ID numerike të dukshme përtej kësaj pike. Konkurrenti NIO ishte ka prezantuar gjithashtu planet për të nxjerrë një model të ri smartphone-i çdo vit, në mënyrë të ngjashme me Apple, por Polestar ende nuk ka bërë premtime të tilla.
Fillimisht mendohet se këto smartphone do të dalin në shitje në tregun kinez. Duke pasur parasysh që Polestar 4 tashmë po shitet në tregjet jashtë Kinës, ai mund të prezantohet në tregun global.
