Sulmet kibernetike ndaj kompanive të mëdha janë bërë shumë të shpeshta gjatë kohëve të fundit. Tashmë source code i lojës GTA 5 është bërë leak në internet, dhe bashkë me të janë publikuar disa materiale nga GTA VI.
Për shkak të këtij leak, shumë teori kanë filluar të përhapen se çfarë mund të thotë kjo për GTA online, GTA 6, Bully 2 dhe tituj të tjerë. Vonë në prag të Krishtlindjes, ky source code i GTA 5 ishte i aksesueshëm për t’u shkarkuar. Kjo ka bërë që ajo të shfaqet dhe në rrjetet sociale, pasi dhe më parë u përfol se do të publikohej në Krishtlindje. Disa njerëz kanë thënë se ajo u zbulua në një server të Discord nga një individ i cili dyshohet se është paditur nga Rockstar disa herë në të kaluarën.
Source code i GTA 5 besohet se është vjedhur që para një viti nga adoleshenti me origjinë shqiptare Arion Kurtaj dhe është shitur në dark web. Tashmë adoleshenti është dënuar me një dënim të përjetshëm në një burg spitalor.
Çfarë është gjetur deri tani?
Brenda skedarëve, u gjetën imazhe të papara të motorit RAGE, të cilin Rockstar e përdor për lojërat që krijon. Imazhet na japin një pamje të paprecedentë prapa skenave të titujve të ndryshëm të Rockstar Games. Mund të shihen imazhe dhe asete të hershme për GTA V, Red Dead Redemption dhe madje edhe lojën e anuluar Agent.
Ka edhe emaile të brendshme nga punonjësit e Rockstar Games që flasin për zhvillimin e lojërave, plus shënimet e lëshimit për përditësimet e motorit RAGE. Disa tekste në lidhje me GTA VI janë parë gjithashtu në këtë leak.
Për sa kohë source code i lojës është në treg prej 1 viti dhe nuk ka patur asnjë problem të rëndësishëm në GTA Online, duket se gjithçka mund të jetë në rregull për Rockstar Games. Personat që e zotërojnë atë thjeshtë do të kenë informacione në lidhje me mënyrën se si loja funksionon.
