Prodhuesit e smartfonëve Android kanë përmirësuar politikat e tyre të përditësimit të softuerit për të mbështetur telefonat për një kohë shumë më të gjatë. Pra, blerësit e telefonave mund t’i mbajnë pajisjet e tyre për një kohë të gjatë përpara se të kenë nevojë të blejnë një telefon më të ri.
Megjithatë, një nga komponentët e parë harduerikë të një telefoni që vjetrohet me kalimin e kohës është bateria e tij dhe momentalisht nuk është e lehtë të kontrollosh shëndetin e baterisë në Android. Google po përpiqet ta bëjë më të lehtë aksesimin e këtij informacioni, në mënyrë që të dini se kur duhet ta zëvendësoni, siç raporton Android Authority.
Me Android 14, Google ka krijuar një framework për të gjurmuar statistikat afatgjata të baterisë, të tilla si ciklet e karikimit dhe datat e prodhimit të baterisë. Me përditësimin e Pixel Feature Drop të lëshuar në dhjetor 2023, Google ka shtuar një faqe të re “Battery Information” në telefonat Pixel me Android 14. Mund të aksesohet nga Settings » About Phone » Battery Information. Në këtë faqje shfaqet informacioni mbi datën e prodhimit të baterisë dhe ciklet e karikimit.
Megjithëse përqindja e shëndetit të baterisë nuk shfaqet në këtë faqe, Google e ka prezantuar atë me përditësimin Android 14 QPR2 Beta 2 që është i disponueshëm për telefonat inteligjentë dhe tabletët Pixel. Në Settings » Battery » Battery Health, përdoruesit mund të shohin përqindjen e shëndetit të baterisë.
Ky është kapaciteti aktual i ngarkimit të plotë të baterisë në krahasim me kapacitetin origjinal të karikimit të plotë. Për shembull, nëse kapaciteti i vlerësuar i smartphone-it nga kompania është 5,000 mAh dhe kapaciteti aktual i karikimit të tij vlerësohet në 90%, atëherë ai mund të karikojë vetëm deri në 4,500 mAh nëse e karikoni deri në 100%.
