Gift cards mund të jenë dhurata e përsosur e Krishtlindjeve – nëse supozojmë se njerëzit kujtojnë t’i përdorin ato. Amerikanët pritet të shpenzojnë gati $30 miliardë në gift cards përkëtë sezon festash, sipas Federatës Kombëtare të Shitjes me Pakicë. Më të shiturat janë ato të restoranteve, që përbëjnë një të tretën e atyre shitjeve. Shumica e atyre kartave dhuratë do të përdoren.
Paytronix, i cili gjurmon shitjet e gift card të restoranteve, thotë se rreth 70% e tyre përdoren brenda gjashtë muajve. Por shumë karta – me vlerë dhjetëra miliarda dollarë –mbesin të papërdorura.
Në një sondazh të bërë në muajin korrik, kompania e financave të konsumatorit Bankrate zbuloi se 47% e të rriturve në SHBA kishin të paktën një gift card ose kupon të pashpenzuar me një vlerë mesatare prej $187. Kjo përbën një total prej $23 miliardë.
Sipas një ligji federal që hyri në fuqi në 2010, një gift card nuk mund të skadojë për pesë vjet nga koha kur është blerë ose nga hera e fundit që dikush ka shtuar para në të. Disa ligje shtetërore kërkojnë një periudhë edhe më të gjatë. Në Nju Jork, për shembull, çdo kartë dhuratë e blerë pas datës 10 dhjetor 2022, nuk mund të skadojë për nëntë vjet.
Çfarë ndodh me paratë kur një gift card mbetet e papërdorur?
Kjo varet nga shteti ku ndodhet shitësi ofruesi i kësaj karte. Çdo vit, kompanitë e mëdha llogarisin një shumë mesatare që nuk do të përdoret nga gift cards në bazë të trendëve të përvitshme. Për disa kompani, si Starbucks me bazë në Seattle, ky është një burim i madh fitimesh, me kompaninë që raportoi një fitim $212 milionë nga këto gift cards.
Por në shtete tjera këto kompani duhet të bashkëpunojnë me programet shtetërore për t’u kthyer paratë konsumatorëve nëse gift card i tyre nuk është përdorur. Paratë që nuk rikuperohen nga konsumatorët individualë shpenzohen për iniciativat në shërbimet publike.
