Ndërsa Shqipëria festoi 111 vjetorin e shpalljes së pavarësisë, kësaj feste i është bashkuar dhe këngëtari i mirënjohur Drake, përmes videoklipit të tij më të ri në albumin “For All The Dogs” duke mbajtur shqiponjën në shpinë dhe duke treguar një lloj vlerësimi për popullin shqiptar.
Ditën e mërkurë, një ditë pas Pavarësisë së Shqipërisë, Drake publikoi klipin e “Polar Opposites“, ku ai dhe djemtë në video janë veshur me xhaketa kuq e zi, duke përshkruar ngjyrat e kombit, si dhe një shqiponjë në shpinë. Ai shpenzon pjesën më të madhe të videos duke luajtur poker me ekipin e tij me shqiptarë në atë që duket të jetë një anije në detin Adriatik.
Drake gjithashtu tregoi njohuritë e tij gjeopolitike duke përmendur krizën e vazhdueshme në Kosovën e Veriut me Serbinë në tekstin e këngës — “Don’t know how they do things in Pristina/I just know the tension is increasing.”.
“Polar Opposites” nga Drake thellohet në kompleksitetin e një marrëdhënieje, duke prekur temat e mirëkuptimit, keqkomunikimit, ndjenjave të lënduara dhe sfidave të dashurisë.
- Konfuzioni dhe keqkomunikimi mund të kuptohet në frazat si “You set limitations with me” apo “Why do i get treated different?”
- Për sa i përket shëndetit mendor, Drake përmend të qënurin bipolar kryesisht për shkak të ndryshimit të shpeshtë të emocioneve dhe sjelljes së papritur.
- Ndërprerja e komunikimit, një tjetër pikë e rëndësishme në një lidhje mund të kuptohet përmes bllokimit në të gjitha rrjetet sociale të mundshme.
- Drake dëshiron gjithashtu të jetë më i qartë rreth ndjenjave të partneres së tij duke u shprehur “What keeps your heavy heart afloat”.
- Gjithashtu këngëtari pranon se është i ndjeshëm pasi ndihet sikur është vrarë nga veprimet e partneres.
- Megjithatë pavarësisht sfidave dhe keqkuptimeve, Drake tregon se ka ende ndjenja për partneren e tij. Ai gjithashtu shton se është i gatshëm të rrezikojë gjithçka për të rregulluar këtë marrëdhënie.
