Në një nga studimet më të mëdha të bëra ndonjëherë mbi shëndetin mendor dhe përdorimin e internetit, Instituti i Internetit në Oxford ka deklaruar se nuk ka gjetur asnjë provë që lidh internetin me dëmtimin psikologjik.
Profesorët Andrew Przybylski dhe Matti Vuorre studiuan të dhënat nga dy milionë njerëz të moshës 15 deri në 89 vjeç në 168 shtete, duke zbuluar se në dy dekadat e fundit të rritjes së ndërlidhjes online, ka pasur vetëm ndryshime të vogla në shëndetin mendor global. Këto gjetje duken befasuese, duke hedhur poshtë rreziqet që kemi treguar prej kohësh që lidhen me përdorimin e tepërt të mediave sociale. Por vetë studimi pranon se provat mungojnë, pasi studiuesit nuk kanë akses në të dhënat nga vetë platformat.
Studimi i Oksfordit e pranon këtë të metë, madje duke shfrytëzuar rastin bën një “thirrje për rritjen e përpjekjeve të bashkëpunimit midis shkencëtarëve të pavarur dhe sektorit të teknologjisë së internetit“. Me fjalë të tjera, studiuesit nuk mund ta kuptojnë plotësisht marrëdhënien midis përdorimit të mediave sociale dhe shëndetit mendor pa bashkëpunim nga platformat sociale.
Në një raport të publikuar nga Frances Haugen, Meta zbuloi se Instagram i bën problemet e imazhit të trupit më keq për një në tre vajza adoleshente. Por edhe në kohën kur Haugen zbuloi studimin në lidhje me këtë temë, profesor Przybylski dyshoi në legjitimitetin e tij.
Vlen të theksohet se Przybylski është angazhuar në “konsultime të papaguara” me Meta. Por, në lidhje me studimin e tij, ai pranon se “hulumtimi mbi këtë temë kontestohet dhe pengohet nga mangësitë metodologjike, duke i lënë të panjohura pasojat më të gjera të adoptimit të Internetit“.
