Elon Musk, pronari miliarder i X, thotë se reklamuesit që kanë ndaluar së shpenzuari më tepër në platformë për shkak të miratimit që bëri ndaj një postimi antisemitik, “mund të pir***n”,
“Kjo gjë mund të shkatërrojë kompaninë dhe e gjithë bota do ta dijë se ishin reklamuesit që e vranë atë”, tha Musk në konferencën DealBook të New York Times të mërkurën. “Go f—- yourself.” shtoi ai.
Postimi ishte “më i keqi që kam bërë ndonjëherë”, tha Musk, shefi ekzekutiv i Tesla. Megjithatë, nëse reklamuesit largohen nga kompania, dështimi i saj do të jetë faji i tyre, jo i tij – duke thënë se ata po përpiqeshin ta “shantazhonin me para“, tha ai.
“Unë nuk do të kërcej për t’u treguar i besueshëm.” Musk doli në skenë në konferencën DealBook pas disa javësh të trazuara. Në fillim të këtij muaji, Musk ra dakord me një postim që thoshte se hebrenjtë kanë një “urrejtje dialektike” ndaj njerëzve të bardhë. Ky mesazh që atëherë ka kulmuar me kritika nga Shtëpia e Bardhë, si dhe disa investitorë të Tesla-s.
Shpenzuesit kryesorë të korporatave, duke përfshirë Walt Disney Co. dhe Apple Inc., u distancuan nga platforma e njohur më parë si Twitter. Nga skena e DealBook, Musk thirri “Bob” në mënyrë specifike, duke iu referuar Robert Iger, CEO i Disney. Iger foli në këtë event më herët gjatë ditës.
Për herë të parë që kur postimi shkaktoi një reagim global, Musk kërkoi falje për zgjedhjen e fjalëve të tij. Musk, i cili fluturoi në Izrael për të vizituar zonat që u ndikuan nga sulmi i Hamasit të 7 tetorit së bashku me kryeministrin Benjamin Netanyahu, tha se udhëtimi ishte planifikuar përpara reagimit nga reklamuesit.
Nuk ishte një “turne faljeje“, tha ai. Musk u bëri thirrje njerëzve që ta gjykojnë atë nga veprimet e tij dhe jo nga fjalët e tij dhe solli si justifikim dy kompani që ai drejton. Ai tha se ka bërë “më shumë për mjedisin se çdo njeri“.
