Ndërtimi i një muri duke vendosur mbi njëri-tjetrin në mënyrë preçize gurë në formë të rastësishme mund të jetë një punë shumë e lodhshme – si fizikisht ashtu edhe mendërisht.
Kjo është një ndër detyrat që ne mund të dëshirojmë që robotët të bëjnë një ditë, dhe me sa duket ajo ditë nuk është shumë larg. Roboti që mund ta bëjë një punë të tillë quhet HEAP (Hydraulic Excavator for an Autonomous Purpose), dhe në fakt është një ekskavator 12 ton Menzi Muck M545 që u modifikua nga një ekip nga instituti kërkimor ETH Zurich.
Ndër modifikimet ishin instalimi i një sistemi pozicionimi global GNSS, një IMU (njësi matëse inerciale) e montuar në shasi, një modul kontrolli, plus sensorë LiDAR në kabinën e tij dhe në krahun e tij gërmues.
Për këtë projekt, HEAP filloi duke skanuar një kantier ndërtimi, duke krijuar një hartë 3D të tij, më pas duke regjistruar vendndodhjet e gurëve (me peshë disa tonë secili) që ishin hedhur në vend. Roboti më pas ngriti çdo gur nga toka dhe përdori teknologjinë e vizionit për të vlerësuar peshën e tij, qendrën e gravitetit dhe për të regjistruar formën e tij tredimensionale. Një algoritëm që funksionon në modulin e kontrollit të HEAP përcaktoi më pas vendndodhjen më të mirë për çdo gur, në mënyrë që të ndërtohej një mur i qëndrueshëm prej 6 metrash i lartë dhe 65 metra i gjatë.
Më sipër mund të ndiqni këtë video të HEAP në aksion, ose të klikoni këtu për të shikuar studimin e publikuar në Science Robotics.
